Інструкцыя аб парадку рэгістрацыі даменных імёнаў у прасторы іерархічных імёнаў нацыянальнага сегмента сеткі інтэрнэт

ГЛАВА 1
АГУЛЬНЫЯ ПАЛАЖЭННІ

1. У дадзенай Інструкцыі, распрацаванай у адпаведнасці з Указам Прэзідэнта Рэспублікі Беларусь ад 1 лютага 2010 г. № 60 "Аб мерах па ўдасканаленню выкарыстання нацыянальнага сегмента сеткі Інтэрнэт" (Нацыянальны рэестр прававых актаў Рэспублікі Беларусь, 2010 г, № 29, 1/11368) , вызначаецца парадак рэгістрацыі даменных імёнаў у прасторы іерархічных імёнаў нацыянальнага сегмента сеткі Інтэрнэт, у тым ліку патрабаванні да юрыдычных асобаў, якія плануюць здзясняць рэгістрацыю даменных імёнаў, якія ўлічваюць іх фінансава-эканамічнае становішча і тэхнічныя магчымасці.

2. Для дадзенай Інструкцыі выкарыстоўваюцца тэрміны і іх вызначэнні ў значэннях, устаноўленых Указам Прэзідэнта Рэспублікі Беларусь ад 1 лютага 2010 г. N 60, а таксама наступныя тэрміны і іх вызначэнні:

   адміністратар нацыянальнай даменнай зоны - спецыяльна ўпаўнаважаны дзяржаўны орган у сферы бяспекі выкарыстання нацыянальнага сегмента сеткі Інтэрнэт*;

   адміністратар дамена - фізічная або юрыдычная асоба, якая заключыла дагавор на рэгістрацыю даменнага імя і ажыццяўляе адміністраванне дамена;

   адміністраванне дамена - вызначэнне парадку выкарыстання дамена;

   дэлегаванне дамена - занясенне рэгістратарам у нацыянальную даменную зону інфармацыі аб дамене і серверах даменных імёнаў (DNS), якія забяспечваюць яго функцыянаванне, іх сеткавых адрасах, указаных адміністратарам дамена, і (або) занясенне ў рэестр дадзеных аб новым адміністратары дамена;

   даменная зона - вобласць іерархічнай прасторы даменных імёнаў сеткі Інтэрнэт, якая пазначаецца унікальным даменным імем;

   дагавор аб аказанні пасрэдніцкіх паслуг - дагавор камісіі, дагавор даручэння, агенцкі дагавор альбо іншы падобны грамадзянска-прававы дагавор, які прадугледжвае аказанне пасрэдніцкіх паслуг па рэгістрацыі даменаў і які заключаны паміж рэгістратарам і пасрэднікам;

   даменнае імя (дамен) - знакавае (літарна-лічбавае) абазначэнне, сфармаванае ў адпаведнасці з міжнароднымі правіламі адрасавання сеткі Інтэрнэт, прызначанае для пайменаванага звароту да інфармацыйнага рэсурсу сеткі Інтэрнэт і адпаведнае вызначанаму сеткаваму адрасе;

   заяўнік - фізічная або юрыдычная асоба, якая звярнулася за рэгістрацыяй даменнага імя;

   нацыянальная даменная зона - іерархічны сегмент сеткі Інтэрнэт, які складаецца з сукупнасці комплексаў праграмна-тэхнічных сродкаў, якія забяспечваюць функцыянаванне нацыянальных даменаў у рамках сістэмы даменных імёнаў сеткі Інтэрнэт;

   нацыянальны дамен - дамен першага (верхняга) узроўню з даменнымі імёнамі ". by" **, ".бел";

   прыпыненне адміністравання дамена – забарона адміністратору дамена вызначаць парадак яго выкарыстання, у тым ліку ажыццяўляць дэлегаванне, трансфер, забарону перадачы правоў на адміністраванне дамена іншай юрыдычнай альбо фізічнай асобе і адмовы ад гэтых правоў;

   рэгістратар - юрыдычная асоба, якая аказвае паслугі па рэгістрацыі даменных імёнаў у нацыянальным сегменце сеткі Інтэрнэт;

   пасрэднік – юрыдычная асоба альбо індывідуальны прадпрымальнік, які мае дзеючы дагавор аб аказаннні пасрэдніцкіх паслуг па рэгістрацыі даменаў з рэгістратарам на карысць заяўнікаў, які заключаны ў мэтах прыцягеннях патэнцыйных заяўнікаў;

   рэгістрацыя дамена - арганізацыйныя і тэхнічныя мерапрыемствы, неабходныя для забеспячэння функцыянавання заяўленага даменнага імя;

   рэестр - цэнтралізаваная сукупнасць баз дадзеных нацыянальнай даменнай зоны, якая змяшчае інфармацыю аб зарэгістраваных даменных імёнах;

   сеткавы адрас (IP-адрас) - унікальны лічбавы ідэнтыфікатар прылады, які працуе ў сетцы Інтэрнэт;

   тэхнічны адміністратар нацыянальнай даменнай зоны - юрыдычная асоба, якая забяспечвае функцыянаванне нацыянальнай даменнай зоны;

   трансфер дамена - арганізацыйныя і тэхнічныя мерапрыемствы па змене рэгістратара дамена;

   тэхнічныя мерапрыемствы - комплекс работ па забеспячэнню функцыянавання сервераў даменных імёнаў, своечасоваму ўвядзенню, мадыфікацыі і прадастаўленню інфармацыі, неабходнай для забеспячэння функцыянавання даменаў, а таксама тэхнічнае забеспячэнне працаздольнасці абсталявання рэгістратара, тэхнічнага адміністратара нацыянальнай даменнай зоны;

   узровень дамена - колькасць слоў у даменным імі, падзеленых кропкай.

   ---

   * У адпаведнасці з пунктам 13 Указа Прэзідэнта Рэспублікі Беларусь ад 1 лютага 2010 г. № 60 спецыяльна ўпаўнаважаным дзяржаўным органам у сферы бяспекі выкарыстання нацыянальнага сегмента сеткі Інтэрнэт з'яўляецца Аператыўна-аналітычны цэнтр пры Прэзідэнце Рэспублікі Беларусь.

   **By з'яўляецца афіцыйным двухлiтаравым кодам Рэспублікі Беларусь у адпаведнасці з міжнародным стандартам ISO 3166-1, адобраным Арганізацыяй Аб'яднаных Нацый.

3. Рэгістрацыя даменных імёнаў ажыццяўляецца з мэтай іх далейшага выкарыстання для адрасавання рэсурсаў адміністратара дамена ў сетцы Інтэрнэт.

4. Узаемадзеянне адміністратара нацыянальнай даменнай зоны, тэхнічнага адміністратара нацыянальнай даменнай зоны, рэгістратараў, адміністратараў даменаў і заяўнікоў можа ажыццяўляцца з дапамогай электронных зваротаў з выкарыстаннем адрасоў электроннай пошты, указаных у пагадненні паміж адміністратарам нацыянальнай даменнай зоны і рэгістратарам, альбо ў дагаворы на рэгістрацыю даменнага імя другога ўзроўня (далей - дагавор).

5. Даменныя імёны могуць быць першага, другога, трэцяга і наступных узроўняў. Узровень даменнага імя вызначаецца парадкавым нумарам словы, размешчанага злева ад даменнага імя першага ўзроўню ".by", ".бел".

6. Правы на нацыянальную даменную зону прадастаўлены Рэспубліцы Беларусь Міжнароднай арганізацыяй па прызначэнні адрасоў і імёнаў у сетцы Інтэрнэт (далей - Міжнародная арганізацыя ICANN).

7. Даменнае імя ў дамене ".by" павінна змяшчаць не менш за два і не больш за шэсцьдзесят трох літар лацінскага алфавіту, лічбаў, знакаў "злучок" ("-"), не павінна пачынацца цi сканчацца знакам "злучок" ("-"), а таксама змяшчаць "злучок" ("-") у трэцяй i чацвёртай пазіцыях адначасова.

   Даменнае імя ў дамене ".бел" павінна змяшчаць не менш за дзве і не больш за шэсцьдзесят тры літары беларускага або рускага алфавіту, лічбы, знака "злучок" ("-") і "апостраф" ("'"), не павінна пачынацца (заканчвацца ) сімваламі "злучок" ("-") і (або) "апостраф" ("'"). Пры выбары даменаў варта ўлічваць напісанне даменных імёнаў як на рускай, так і на беларускай мовах.

   У выпадку, калі заяўнікам з'яўляецца юрыдычная асоба, пры выбары даменнага імя рэкамендуецца выкарыстоўваць назву гэтай юрыдычнай асобы.

8. Не падлягаюць рэгістрацыі даменныя імёны, якія змяшчаюць словы ці фразы, якія не адпавядаюць агульнапрынятым маральна-этычным нормам, распальваюць міжнацыянальную варожасць, якія прапагандуюць гвалт, жорсткасць і іншыя дзеянні, забароненыя заканадаўствам Рэспублікі Беларусь.

   Пры выбары даменнага імя, у тым ліку даменнага імя пры рэгістрацыі праз аўкцыон, заяўніку варта пазбягаць назваў, супадальных з найменнямі зарэгістраваных сродкаў індывідуалізацыі ўдзельнікаў грамадскага абароту, тавараў, работ або паслуг, калі заяўнік не з'яўляецца ўладальнікам права на фірмовае найменне, уладальнікам таварнага знаку і знаку абслугоўвання, асобай, якая валодае правам карыстання геаграфічным указаннем.

   У выпадку, калі будзе ўстаноўлена, што даменныя імёны зарэгістраваны на фізічных альбо юрыдычных асоб, якія фактычна іх не выкарыстоўваюць, у тым ліку на працаўнікоў арганізацый альбо падрадчыкаў гэтых арганізацый, тады па рашэнні адміністратара нацыянальнай даменнай зоны такія даменныя імёны могуць быць выключаныя з рэестра

9. У выпадку выяўлення недакладных звестак аб адміністратары дамена, а таксама пры наяўнасці звестак аб іншых парушэннях, звязаных з выкарыстаннем і рэгістрацыяй даменнага імя, адміністратар нацыянальнай даменнай зоны накіроўвае рэгістратару адпаведнае апавяшчэнне.

   Дзяржаўныя органы, суды, а таксама юрыдычныя і фізічныя асобы, пры наяўнасці судовай пастановы, якая пацвярджае парушэнне іх правоў, могуць звяртацца да рэгістратара дамена з апавяшчэннем пра парушэнні, звязаныя з выкарыстоўваннем даменнага імя. Апавяшчэнне павінна змяшчаць прозвішча, уласнае імя, імя па бацьку (калі такое маецца), альбо ініцыялы грамадзяніна, адрас яго месца жыхарства (месца знаходжання), альбо найменне юрыдычнай асобы і яе месца знаходжання, указанне на даменнае імя, выкарыстоўванне якога праводзіцца з парушэннямі, выкладанне сутнасці парушэння, асабісты подпіс грамадзяніна, альбо подпіс кіраўніка юрыдычнай асобы ці асобы, якая ўпаўнаважана ва ўстаноўленным парадку падпісваць звароты, зацверджаны пячаткай юрыдычнай асобы.
   
   Дзяржаўныя органы, суды, а таксама юрыдычныя і фізічныя асобы, пры наяўнасці судовай пастановы, якая пацвярджае парушэнне іх правоў, могуць звяртацца да рэгістратара дамена з апавяшчэннем пра парушэнні, звязаныя з выкарыстоўваннем даменнага імя. Апавяшчэнне павінна змяшчаць прозвішча, уласнае імя, імя па бацьку (калі такое маецца), альбо ініцыялы грамадзяніна, адрас яго месца жыхарства (месца знаходжання), альбо найменне юрыдычнай асобы і яе месца знаходжання, указанне на даменнае імя, выкарыстоўванне якога праводзіцца з парушэннямі, выкладанне сутнасці парушэння, асабісты подпіс грамадзяніна, альбо подпіс кіраўніка юрыдычнай асобы ці асобы, якая ўпаўнаважана ва ўстаноўленным парадку падпісваць звароты, зацверджаны пячаткай юрыдычнай асобы.
   
   Рэгістратар, які атрымаў апавяшчэнне, павінен прыбраць гэтыя парушэнні ў тэрмін, які зазначаны ў апавяшчэнні, а калі тэрмін ў апавяшчэнні не зазначан – на працягу 30 каляндарных дзён, з моманту атрымання апавяшчэння. Звесткі пра парушэнне, у тым ліку інфармацыя, якая змяшчаецца ў апавяшчэнні, уносяцца рэгістратарам у рэестр.
   
   У выпадку, калі парушэнні, зазначаныя у частках першай і другой бягучага пункта, зыходзяць ад рэгістратара дамена, рэгістратар абавязаны інфармаваць адміністратара дамена аб неабходнасці ўстранення выяўленых парушэнняў у тэрмін, указаны ў апавяшчэнні, а адміністратар дамена абавязаны ўстраніць указаныя парушэнні.
   
   На перыяд устранення парушэнняў адміністратар нацыянальнай даменнай зоны мае права прыпыняць адміністраванне дамена. Звесткі пра прыпыненне адміністравання дамена ўносяцца ў рэестр.
   
   Пры невыкананні патрабаванняў пра ўстраненне выяўленых парушэнняў пры сканчэнні тэрміна, які ўказаны у частцы чацвёртай бягучага пункта, адміністратар нацыянальнай даменнай зоны мае права выключыць дамен з рэестра.
   
   У выпадку прадстаўлення матэрыялаў, якія сведчаць пра ўзбуджэнне ў судзе справы, звязанай з выкарыстоўваннем даменнага імя, тэрмін прыпынення адміністравання дамена працягваецца да пряняцця судом адпаведнага рашэння.
   
   Пры выключэнні дамена з рэестру па падставах, указаных у бягучым пункце, дагавор паміж адміністратарам дамена і рэгістратарам спыняецца.

10. Даменныя імёны, выключаныя з рэестра, могуць быць зарэістраваны па выніках правядзення аўкцыёну. Дадзены аўкцыён праводзіцца тэхнічным адміністратарам нацыянальнай даменнай зоны ў парадку, узгодненым з адміністратарам нацыянальнай даменнай зоны. Сродкі, атрыманыя ад правядзення аўкцыёна, акрамя кошту рэгістрацыі даменнага імя, накіроўваюцца ў парадку, узгодненым з адміністратарам нацыянальнай даменнай зоны, на аказанне дармовай (спонсарскай) дапамогі ўстановам адукацыі і аховы здароўя, які падтрымліваюць дзяцей-сірот, дзяцей, якія засталіся без апекі бацькоў.
    
    

    У выпадку, калі даменнае імя вылучалася на аўкцыон не меньш за два разы, але на яго не было ніводнай стаўцы, тэхнічны адміністратар здымае дамен з аўкцыона і вяртае яго ў рэестр, робячы даступным для рэгістрацыі на агульных умовах.

    Тэхнічны адміністратар мае права не вылучаць на аўкцыён дамены, якія супадаюць альбо якія падобныя да ступені змяшэння з найменнямі зарэгістраваных сродкаў індывідуалізацыі ўдзельнікаў грамадзянскага абароту, тавараў, работ альбо паслуг. Названыя даменныя імёны могуць быць зарэгістраваны па заяве праваўладальніка, які прад’явіць доказы сваіх правоў на адпаведны сродак індывідуалізацыі.

ГЛАВА 2
РЭГIСТРАТАР. ПРАВЫ I АБАВЯЗКI РЭГIСТРАТАРА.

11. Рэгістрацыя даменных імёнаў другога ўзроўню ажыццяўляецца рэгістратарамі, у тым ліку з прыцягненнем пасрэдніка у праваадносінах паміж рэгістратарам і заяўнікам.

12. Рэгістратарам можа быць юрыдычная асоба, якая створана і ажыццяўляе сваю дзейнасць ў адпаведнасці з заканадаўствам Рэспублікі Беларусь, з месцазнаходжаннем у Рэспубліцы Беларусь, кошт чыстых актываў якой складае ў эквіваленце не менш 30000 еўра па курсе Нацыянальнага банка Рэспублікі Беларусь на падставе дадзеных бухгалтарскага балансу (форма 1) за справаздачны перыяд.

13. Комплекс праграмна-тэхнічных сродкаў рэгістратара павінен адпавядаць патрабаванням згодна з Дадаткам 1.

14. Юрыдычная асоба, якая выказала жаданне стаць рэгістратарам:

    • накіроўвае комплекс праграмна-тэхнічных сродкаў тэхнічнаму адміністратару нацыянальнай даменнай зоны для правядзення выпрабаванняў;

    • пасля атрымання станоўчага выніку выпрабаванняў заключае з адміністратарам нацыянальнай даменнай зоны пагадненне па форме згодна з дадаткам 2;

    • атрымлівае доступ да рэестра нацыянальнай даменнай зоны.
      
      
15. У выпадку, калі рэгістратар з'яўляецца заяўнікам, рэгістрацыя даменных імёнаў павінна ажыццяўляцца толькі ў іншага рэгістратара.

16. Пры спыненні дзейнасці рэгістратар абавязаны перадаць тэхнічнаму адміністратару нацыянальнай даменнай зоны інфармацыю аб дагаворах з адміністратарамі даменаў і дагаворах з пасрэднікамі, у тым ліку архіўную базу дадзеных заявак на рэгістрацыю даменных імёнаў.
17. Рэгістратар абавязаны захоўваць рэквізіты дагавораў на рэгістрацыю даменных імёнаў другога, трэцяга і наступных узроўняў і іншую інфармацыю, якая ідэнтыфікуе суб'ектаў дамовы, на працягу трох гадоў.

18. Рэгістратар абавязаны:
    • прадстаўляць адміністратару нацыянальнай даменнай зоны і тэхнічнаму адміністратару нацыянальнай даменнай зоны па іх запыце у 3-дзённы тэрмін неабходную інфармацыю;
    • праводзіць комплекс арганізацыйна-тэхнічных мерапрыемстваў па абароне дадзеных адміністратара дамена з мэтай забеспячэння цэласнасці і даступнасці дамена, якi рэгіструецца (дэлегуецца), і прыватнасці персанальных дадзеных;
    • кантраляваць дзейнасць прыцягнутых пасрэднікаў, у тым ліку па выкананню пасрэднікамі патрабаванняў бягучай Інструкцыі.
18¹. Пры прыцягненні пасрэдніка да адносінаў паміж рэгістратарам і заяўнікам рэгістратар нясе адказнасць за дзейнасць пасрэдніка, звязаную з рэгістрацыяй даменных імёнаў у нацыянальнай даменнай зоне.


Пасрэднік абавязаны забяспечыць прадастаўленне рэгістратару поўнай і дакладнай інфармацыі пра заўніка, штогод правадзіць удакладненне дадзеных адміністратара дамена і паведамляць рэгістратара пра ўсе змяненні ў дадзеных адміністратара дамена.

Звесткі пра пасрэдніка пры рэгістрацыі даменнага імя ўключаюцца ў рэестр.

 

ГЛАВА 3
РЭГIСТРАЦЫЯ ДАМЕННЫХ ІМЁНАЎ ДРУГОГА ЎЗРОЎНЮ

19. Рэгістрацыя даменных імёнаў другога ўзроўню ў нацыянальнай даменнай зоне ажыццяўляецца рэгістратарамі на падставе дагавораў, што заключаюцца з заяўнікамі, альбо пасрэднікамі, якім рэгістратар надаў адпаведныя паўнамоцтвы

20. Для рэгістрацыі даменнага імя заяўнік заключае дагавор і аплочвае рэгістрацыю даменнага імя. Абавязак рэгістратара па рэгістрацыі даменнага імя з’яўляецца з моманту атрымання рэгістратарам аплаты за рэгістрацыю дадзенага даменнага імя ад заяўніка ці пасрэдніка, а ў выпадку ўнёску папярэдняй аплаты без зазначэння канкрэтнага даменнага імя – з моманту атрымання рэгістратарам заявы на рэгістрацыю канкрэтнага даменнага імя пры ўмове, што паказанае даменнае імя на момант рэгістрацыі вольнае.

21. Рэгістратар ажыццяўляе рэгістрацыю даменнага імя з дапамогай занясення ў рэестр звестак, якiя ўказваюцца заяўніком.

22. Тэрмін рэгістрацыі складае адзін ці два гады з моманту ўнёску звестак у рэестр пра аплату за рэгістрацыю канкрэтнага даменнага імя. Пасля сканчэння тэрміна дзеяння дагавора дамен пераводзіцца рэгістратарам у стан, пры якім яго адміністраванне не дапушчаецца. Пр ыгэтым дамен з рэестра не выключаецца.

    У дадзеным стане дамен можа знаходзіцца да паступлення рэгістратару аплаты за падаўжэнне тэрміну дзеяння дагавора, але не больш за 30 каляндарных дзён, па заканчэнні якіх даменнае імя выключаецца з рэестру.

23. Адміністратар дамена абавязаны:

    • інфармаваць рэгістратара аб усіх зменах персанальных дадзеных або звестак аб юрыдычнай асобе, названых у дагаворы, не пазней чым за адзiн месяц з моманту такіх зменаў;
    • у 3-дзённы тэрмін па запыце рэгістратара і (або) адміністратара нацыянальнай даменнай зоны прадастаўляць дакументы, якія пацвярджаюць дакладнасць звестак, названых пры рэгістрацыі даменнага імя (дакумент, які сведчыць асобу, - для фізічных асоб, пасведчанне аб дзяржаўнай рэгістрацыі (выпіска з гандлёвага рэгістра краіны заснавання або іншы эквівалентны доказ юрыдычнага статусу юрыдычнай асобы ў адпаведнасці з заканадаўствам краіны яго заснавання) - для юрыдычных асоб).
24. Рэгістратар, які атрымаў ад адміністратара дамена альбо ад пасрэдніка інфармацыю пра змены асабістых дадзеных ці звеста пра юрыдычную асобу, якія указаны ў дагаворы, абавязаны у 3-дзённы тэрмін унесці гэтыя змены ў рэестр.
    
    Рэгістратар альбо пасрэднік па дагаворы з рэгістратарам штогод накіроўвае адміністратару дамена паведамленне пра неабходнасць праверкі і пацвярджэніі дзейнасці дадзеных пра адміністратара дамена, якія зазаначаны ў дагаворы.

 

ГЛАВА 4
ДЭЛЕГАВАННЕ І ТРАНСФЕР ДАМЕНАЎ

25. Звесткі, неабходныя для дэлегавання дамена, заносяцца ў рэестр на падставе інфармацыі, прадастаўленай адміністратарам дамена і пасрэднікам (калі ён ёсць) рэгістратару, які ажыццявіў рэгістрацыю дамена.

26. Адміністратар дамена мае права ў любы час накіроўваць рэгістратару заяўкі на спыненне або аднаўленне дэлегавання дамена, за выключэннем перыядаў, калі дэлегаванне прыпынена адміністратарам нацыянальнай даменнай зоны.

27. Дэлегаванне дамена ажыццяўляецца па заяўцы адміністратара дамена.

28. Дэлегаванне дамена спыняецца рэгістратарам:

    • у выпадку выключэння дамена з рэестру;
    • па рашэнні суда.
29. Трансфер дамена ажыццяўляецца на падставе заявак адміністратара дамена аб намеры вырабіць трансфер дамена, якiя накіроўваюцца рэгістратару, з якім заключаны дагавор, і рэгістратару, з якім мяркуецца заключэнне дагавора.
30. Пры трансферы дамена адміністратар дамена заключае з новым рэгістратарам дамена дагавор на абслугоўванне даменнага імя да канца тэрміна рэгістрацыі, які быў прадугледжаны мінулым дагаворам адміністратара дамена з мінулым рэгістратарам.

 

ГЛАВА 5
ПРАДАЎЖЭННІ ТЭРМІНУ ДЗЕЯННЯ ДАГАВОРА

31. За месяц да заканчэння тэрміна дзеяння дагавора рэгістратар накіроўвае адміністратару дамена напамін пра сканчэнне тэрміна дзеяння дагавора і неабходнасці яго працягвання.
    
    Адміністратар дамена мае права накіраваць заяву на працягненне дагавора на рэгістрацыю даменнага імя і аплаціць працягненне рэгістрацыі ў тэрмін, які не перавышае шэсць месяцаў да сканчэння тэрміна бягучай рэгістрацыі.

32. Тэрмін дзеяння дагавора можа быць падоўжаны адміністратарам дамена ў перыяд дзеяння дагавора, а таксама на працягу 30 каляндарных дзён пасля заканчэння тэрміну яго дзеяння.

33. Дагавор лічыцца працягнутым пасля паступлення рэгістратару аплаты ад адміністратара дамена ці пасрэдніка, які атрымаў аплату ад адміністратара дамена, за працягненне рэгістрацыі дамена.

34. Пры адсутнасці аплаты рэгістратар пасля заканчэння трыццацідзённага тэрміну выключае вызначаныя дагаворам даменныя імёны з рэестру.

35. У перыяд прыпынення адміністравання дамена адміністратар дамена не мае права здзяйсняць якія-небудзь дзеянні з даменам.

36. У выпадку заканчэння тэрміну дзеяння дагавора ў перыяд прыпынення адміністравання дамена тэрмін яго дзеяння працягваецца да заканчэння гэтага перыяду.

 

ГЛАВА 6
РЭГІСТРАЦЫЯ ДАМЕННЫХ ІМЁНАЎ ДЗЯРЖАЎНЫМІ ОРГАНАМІ, ДАМЕННЫХ ІМЁНАЎ ТРЭЦЯГА І НАСТУПНЫХ УЗРОЎНЯЎ

37. Для рэгістрацыі даменнага імя трэцяга і наступных узроўняў у дачыненні да трэціх асоб адміністратар дамена другога ўзроўню падае рэгістратару звесткі аб дагаворах на рэгістрацыю даменных імёнаў трэцяга і наступных узроўняў. Дадзеныя звесткі ўносяцца рэгістратарам у рэестр.

38. Тэрмін дзеяння дагавора на рэгістрацыю дамена трэцяга і (або) наступных узроўняў не павінен перавышаць тэрміну дзеяння дагавора на рэгістрацыю адпаведнага дамена другога ўзроўню.

39. Рэгістрацыю даменных імёнаў для дзяржаўных органаў у даменных зонах ".бел", ".gov.by", ".mil.by" ажыццяўляе адміністратар нацыянальнай даменнай зоны на бязвыплатнай аснове.

40. Дзяржаўныя органы, якія выкарыстоўваюць у сваёй дзейнасцi звесткi, якiя складаюць дзяржаўныя сакрэты (далей у гэтай главе - дзяржаўныя органы), да звароту да адміністратара нацыянальнай даменнай зоны за рэгістрацыяй даменнага імя ў даменных зонах ".бел", ".gov.by", "mil.by". заключаюць дагаворы на аказанне інтэрнэт-паслуг з упаўнаважанымі пастаўшчыкамі інтэрнэт-паслуг, якiя вызначаны загадам Аператыўна-аналітычнага цэнтра пры Прэзідэнце Рэспублікі Беларусь ад 17 сьнежня 2010 года № 92 "Аб зацвярджэнні пераліку пастаўшчыкоў інтэрнэт-паслуг, упаўнаважаных аказваць інтэрнэт-паслугі дзяржаўным органам і арганізацыям, якія выкарыстоўваюць у сваёй дзейнасці звесткі, якiя складаюць дзяржаўныя сакрэты" (Нацыянальны рэестр прававых актаў Рэспублікі Беларусь, 2010 г., № 312, 7/1382).

41. Для рэгістрацыі даменнага імя ў даменных зонах ".бел", ".gov.by", ".mil.by" і ўнясення далейшых змяненняў дзяржаўныя органы з дапамогай агульнадзяржаўнай аўтаматызаванай інфармацыйнай сістэмы (далей – ААІС) накіроўваюць адміністратару нацыянальнай даменнай зоны заяўку па форме згодна з дадаткам 3. Падача заяўкі ажыццяўляецца ў электронным выглядзе праз партал ААІС.
    
    Рэгістрацыя і ўнясенне далейшых змяненняў ажыццяўляецца на працягу аднаго працоўнага дня з дня атрымання адміністратарам нацыянальнай даменнай зоны адпаведнай заяўкі пасродкам ААІС. Інфармацыя пра факт рэгістрацыі, унёсак зменаў, накіроўваецца ў электронным выглядзе адміністратару дамена на зазначаны ў заяве на рэгістрацыю даменнага імя адрас электроннай пошты.
    
    У рэгістрацыі даменнага імя або унясенні зменаў можа быць адмоўлена ў выпадку невыканання дзяржаўным органам патрабаванняў пункта 40 дадзенай Інструкцыі, а таксама калі даменнае імя, на якое пададзена заяўка, ужо зарэгістравана за іншым дзяржаўным органам.

 

ГЛАВА 7
АДМОВА I ПЕРАДАЧА ПРАВОЎ НА АДМІНІСТРАВАННЕ ДАМЕНА

42. Адміністратар дамена мае права адмовіцца ад правоў на адміністраванне дамена ў любы момант дзеяння дагавора, за выключэннем перыяду прыпынення адміністравання дамена.

43. Для адмовы ад правоў на адміністраванне дамена адміністратар дамена накіроўвае рэгістратару адпаведную заяўку.

44. Адміністратар дамена мае права перадаць правы на адміністраванне дамена другой фiзiчнай або юрыдычнай асобе. Для перадачы правоў на адміністраванне дамена адміністратар дамена накіроўвае рэгістратару заяўку аб перадачы правоў на адміністраванне дамена з указаннем звестак аб асобе, якой перадаюцца правы на адміністраванне дамена.
    
    44¹. Суд мае права прыняць рашэнне аб змене адміністратара дамена у вападках, прадугледжаных заканадаўствам, у тым ліку пры парушэнні былым адміністратарам дамена правоў на сродкі індывідуалізацыі удзельнікаў грамадзянскага абароту, тавараў, работ ці паслуг, метадам перадачы правоў на адміністраванне дамена праваўладальніку такого срока індывідулізацыі, пры яго згодзе.
    
    44². Перадача правоў на адміністраванне дамена ажыццяўляецца:
    - па заяве адміністратара дамена;
    - на падставе рашэння суда;
    - на падставе рашэння пра рэарганізацыю – правапераемніку рэарганізаванай юрыдычнай асобы;
    - на падставе заявы, папісанай старшынёй ліквідацыйнай камісіі (ліквідатарам) – пры ліквідацыі адміністратара дамена, які з’яўляўся юрыдычнай асобай.”

45. Рэгістратар, атрымаўшы заяўку аб намеры адміністратара дамена перадаць правы на адміністраванне дамена другой фiзiчнай або юрыдычнай асобе, заключае з дадзенай фізічнай або юрыдычнай асобай дагавор у адпаведнасці з сапраўднай Інструкцыяй.

46. Пасля заключэння дагавора рэгістратар уносіць адпаведныя змены ў рэестр.

 

ГЛАВА 8
ТЭХНІЧНЫ АДМІНІСТРАТАР НАЦЫЯНАЛЬНАЙ ДАМЕННАЙ ЗОНЫ. ПРАВЫ I АБАВЯЗКI ТЭХНІЧНАГА АДМІНІСТРАТАРА НАЦЫЯНАЛЬНАЙ ДАМЕННАЙ ЗОНЫ

47. Тэхнічным адміністратарам нацыянальнай даменнай зоны можа быць рэгістратар, вызначаны адміністратарам нацыянальнай даменнай зоны па выніках конкурсу, які праводзіцца ў адпаведнасці з Інструкцыяй аб парадку правядзення конкурсу па выбары тэхнічнага адміністратара нацыянальнай даменнай зоны, зацверджанай загадам, які сцвярджае сапраўдную Інструкцыю.

    Конкурс праводзіцца адзін раз у дзесяць гадоў з моманту прыняцця Міжнароднай арганізацыяй ICANN рашэння аб перадачы правоў на тэхнічнае адміністраванне нацыянальнай даменнай зоны (змены Technical Contact).

    Конкурс можа быць праведзены датэрмінова па рашэнні адміністратара нацыянальнай даменнай зоны ў выпадках:

    • выяўлення адміністратарам нацыянальнай даменнай зоны парушэнняў тэхнічным адміністратарам нацыянальнай даменнай зоны патрабаванняў сапраўднай Інструкцыі;
    • ліквідацыі тэхнічнага адміністратара нацыянальнай даменнай зоны.

    Для выканання новым рэгістратарам функцый тэхнічнага адміністратара нацыянальнай даменнай зоны дзеючы тэхнічны адміністратар нацыянальнай даменнай зоны ў месячны тэрмін пасля абвяшчэння вынікаў конкурсу перадае звесткі з рэестра і дакументы, вызначаныя Міжнароднай арганізацыяй ICANN.

48. Тэхнічны адміністратар нацыянальнай даменнай зоны:

    1. забяспечвае функцыянаванне:

       • нацыянальнай даменнай зоны;
       • нацыянальнай інфармацыйна-даведачнай сістэмы аб даменных імёнах у нацыянальнай даменнай зоне ў адпаведнасці з патрабаваннямі згодна з дадаткам 4;

    2. ажыццяўляе:

       • узаемадзеянне з міжнароднымі арганізацыямі па пытаннях тэхнічнага забеспячэння функцыянавання нацыянальнай даменнай зоны;
       • тэхнічнае суправаджэнне рэестра;
       • рэгістрацыю даменных імёнаў другога ўзроўню на падставе звароту адміністратара нацыянальнай даменнай зоны без заключэння дагавора;

    3. вызначае кошт гадавога тэхнічнага абслугоўвання даменнага імя ў нацыянальнай даменнай зоне. Пры гэтым павелічэнне кошту тэхнічнага абслугоўвання даменнага імя ў нацыянальнай даменнай зоне ажыццяўляецца на падставе каэфіцыентаў інфляцыі, прынятых з моманту апошняга ўстанаўлення такога кошту, а таксама ў сувязі з павелічэннем сабекошту тэхнічнага суправаджэння рэестра і па іншых абгрунтаваных прычынах.

49. Пры спыненні дзейнасці рэгістратара тэхнічны адміністратар нацыянальнай даменнай зоны накіроўвае паведамленнi адміністратарам даменаў аб тэрміне дзеяння іх дагавораў, неабходнасці выбару іншых рэгістратараў і заключэння з імі дамоваў. На час трансферу дамена тэхнічны адміністратар нацыянальнай даменнай зоны ажыццяўляе тэхнічныя мерапрыемствы.

50. Тэхнічны адміністратар праводзіць выпрабаванні комплексаў праграмна-тэхнічных сродкаў рэгістратараў на адпаведнасць патрабаванням згодна з дадаткам 1.

    Па выніках правядзення названых выпрабаванняў тэхнічны адміністратар нацыянальнай даменнай зоны накіроўвае адміністратару нацыянальнай даменнай зоны акты аб выніках правядзення выпрабаванняў.

 

 

Дадатак 1
да Інструкцыі аб парадку
рэгістрацыі даменных імёнаў
у прасторы іерархічных
імёнаў нацыянальнага сегмента
сеткі Інтэрнэт

ПАТРАБАВАННІ
ДА КОМПЛЕКСАЎ ПРАГРАМНА-ТЭХНIЧНЫХ СРОДКАЎ РЭГІСТРАТАРА

Комплекс праграмна-тэхнічных сродкаў рэгістратара (далей - комплекс) павінен забяспечваць:

• рэалізацыю пратакола ўзаемадзеяння рэгістратараў з рэестрам xRRP;
• выкарыстанне абароненых сеткавых пратаколаў для выдаленага кіравання комплексам;
• праверку паўнамоцтваў адміністратараў комплексу на аснове дадзеных аўтэнтыфікацыі;
• пратакаляванне і аўдыт падзей бяспекі;
• сінхранізацыю сістэмнага часу, усталяванага на комплексе, з эталоннымі крыніцамі часу Рэспублікі Беларусь;
• правядзенне штодзённага рэзервовага капіравання інфармацыі, якое забяспечвае цэласнасць і поўнае аднаўленне дадзеных у выпадку праграмных і (або) апаратных збояў;
• абарону ад несанкцыянаванага доступу.

Кампутарная сетка, у склад якой уваходзіць комплекс, павінна змяшчаць сродкі міжсеткавага экранавання і фільтрацыі.

Комплекс павінен быць забяспечаны бесперабойным электрасілкаваннем.

 

 

Дадатак 2
да Інструкцыі аб парадку
рэгістрацыі даменных імёнаў
у прасторы іерархічных
імёнаў нацыянальнага сегмента
сеткі Інтэрнэт

 

Форма

 

ПАГАДНЕННЕ
аб узаемадзеянні Аператыўна-аналітычнага цэнтра пры Прэзідэнце
Рэспублікі Беларусь і    (назва рэгістратара)   
пры ажыццяўленні дзейнасці па рэгістрацыі даменных імёнаў
нацыянальнай даменавай зоне.

 

"    "                         20   г. г. Мiнск

 

Аператыўна-аналітычны цэнтр пры Прэзідэнце Рэспублікі Беларусь, названы ў далейшым "адміністратар нацыянальнай даменнай зоны", у асобе першага намесніка начальніка Аператыўна-аналітычнага цэнтра пры Прэзідэнце Рэспублікіі Беларусь                                        , якi дзейнічае на падставе Палажэння аб Аператыўна-аналітычным цэнтры пры Прэзідэнце Рэспублікі Беларусь, з аднаго боку, і                  (назва рэгістратара)                     ), названы (ая) у далейшым "рэгістратар", у асобе                                      , дзеючага на падставе                                      ,з другога боку, разам названыя "бакi", заключылі пагадненне аб наступным:

1. Бакі абавязваюцца ўзаемадзейнічаць на ўмовах, прадугледжаных гэтым пагадненнем, пры ажыццяўленні рэгістратарам дзейнасці па рэгістрацыі даменных імёнаў у нацыянальнай даменавай зоне.

2. Бакі абавязваюцца ажыццяўляць сваю дзейнасць у галіне рэгістрацыі даменных імёнаў у адпаведнасці з заканадаўствам Рэспублікі Беларусь, у тым ліку Інструкцыяй аб парадку рэгістрацыі даменных імёнаў у прасторы іерархічных імёнаў нацыянальнага сегмента сеткі Інтэрнэт, зацверджанай загадам Аператыўна-аналітычнага цэнтра пры Прэзідэнце Рэспублікі Беларусь ад 18 чэрвеня 2010 г . № 47 (далей - Інструкцыя).

3. Рэгістратар абавязаны:

   • забяспечыць інфармацыйнае ўзаемадзеянне ўласнай сістэмы рэгістрацыі даменных імёнаў з цэнтральнай базай дадзеных, якая размяшчаецца ў тэхнічнага адміністратара нацыянальнай даменнай зоны, у адпаведнасці з усталяванымі пратаколамі перадачы дадзеных;
   • апавяшчаць адміністратара нацыянальнай даменнай зоны і тэхнічнага адміністратара нацыянальнай даменнай зоны аб усіх зменах кантактных дадзеных спецыялістаў рэгістратара, якiя упаўнаважаны праводзіць мерапрыемствы па рэгістрацыі даменных імёнаў другога ўзроўню;
   • прадастаўляць адміністратару нацыянальнай даменнай зоны інфармацыю, звязаную з рэгістрацыяй даменных імёнаў, не пазней чым за 3 рабочыя днi з моманту паступлення запыту;
   • ажыццяўляць праверку інфармацыі аб заяўніку (адміністратару даменнага імя) з выкарыстаннем інфармацыі з баз дадзеных дзяржаўных органаў і іншых дзяржаўных арганізацый праз агульнадзяржаўную аўтаматызаваную інфармацыйную сістэму;
   • ажыццяўляць дзейнасць па папярэджанні, выяўленні і спыненні фактаў махлярства з выкарыстаннем даменных імёнаў;
   • захоўваць і прадастаўляць пастаянны доступ адміністратару нацыянальнай даменнай зоны і тэхнічнаму адміністратару нацыянальнай даменнай зоны да архіўных баз дадзеных заявак на рэгістрацыю даменных імёнаў і дадзеных аўдыту за ўвесь перыяд дзейнасці па рэгістрацыі даменных імёнаў;
   • штогод праводзіць аўдыт інфармацыйнай бяспекі сістэмы рэгістрацыі даменных імёнаў, на падставе якога планаваць правядзенне мерапрыемстваў па забеспячэнню абароны інфармацыі;
   • прадастаўляць доступ да вылічальных сродкаў і дадзеных вузла рэгістрацыі даменных імёнаў прадстаўнікам адміністратара нацыянальнай даменнай зоны для правядзення перыядычнага кантролю адпаведнасці сістэмы рэгістрацыі патрабаванням, прыведзеным у дадатку 1 да Інструкцыі.

4. Узаемадзеянне рэгістратара і тэхнічнага адміністратара нацыянальнай даменнай зоны ажыццяўляецца на дагаворнай аснове.

5. Сапраўднае пагадненне заключана на нявызначаны тэрмін.

6. Сапраўднае пагадненне можа быць скасавана:

   • па ўзаемнай згодзе бакоў, аформленай у выглядзе дадатковага пісьмовага пагаднення;
   • у аднабаковым парадку па ініцыятыве адміністратара нацыянальнай даменнай зоны ў выпадку парушэння рэгістратарам умоў гэтага пагаднення;
   • у аднабаковым парадку па ініцыятыве рэгістратара, пры ўмове паведамлення адміністратара нацыянальнай даменнай зоны аб рашэнні скасаваць цяперашняе пагадненне, не менш чым за адзін месяц да даты скасавання.

7. Бакі абавязваюцца вырашаць шляхам перамоў усе спрэчкі і рознагалоссі, звязаныя з гэтым пагадненнем.

8. У выпадку, калі ў бакоў не атрымаецца вырашыць усе спрэчныя пытанні ў парадку, устаноўленым пунктам 7 гэтага пагаднення, усе спрэчкі, якія ўзнікаюць з гэтага пагаднення, у тым ліку звязаныя з яго заключэннем, зменай, скасаваннем, выкананнем, падлягаюць вырашэнню ў судовым парадку ў адпаведнасці з заканадаўствам Рэспублікі Беларусь.

9. Усе пытанні, не ўрэгуляваныя гэтым пагадненнем, вырашаюцца ў адпаведнасці з заканадаўствам Рэспублікі Беларусь.

10. Дадзенае пагадненне складзена ў двух экземплярах, па адным для кожнага боку.

 

Ад Аператыўна-аналітычнага цэнтра пры Прэзідэнце Рэспублікі Беларусь	Ад рэгістратара
Першы намеснік начальніка Аператыўна-аналітычнага цэнтра пры Прэзідэнце Рэспублікі Беларусь	(пасада, прозвішча, ініцыялы)
“   “         20	“   “         20

 

 

Дадатак 3
да Інструкцыі аб парадку
рэгістрацыі даменных імёнаў
у прасторы іерархічных
імёнаў нацыянальнага сегмента
сеткі Інтэрнэт

 

Форма

 

ЗАЯЎКА
НА РЭГІСТРАЦЫЮ ДАМЕННАГА ІМЯ ДЗЯРЖАЎНАГА ОРГАНА

 

1. Мэта рэгістрацыі:

    

2. Даменнае імя:

    

3. Назва дзяржаўнага органа, які рэгіструе даменнае імя:

    

4. Месцазнаходжанне:

    

   Звесткі аб адміністратару даменнага імя

    

5. Прозвішча, уласнае імя, імя па бацьку адміністратара:

    

6. Назва арганізацыі адміністратара:

    

7. Месцазнаходжанне:

    

8. Нумар(ы) тэлефона адміністратара:

    

9. Нумар(ы) факса адміністратара:

    

10. Адрас электроннай пошты адміністратара:

     

    Звесткі аб пастаўшчыку інтэрнэт-паслуг

     

11. Назва арганізацыі:

     

    Звесткі аб асноўным DNS-серверы

     

12. Даменнае імя асноўнага DNS-сервера:

     

13. IP-адрас асноўнага DNS-сервера:

     

    Звесткі аб дадатковым DNS-серверы

     

14. Даменнае імя дадатковага DNS-сервера:

     

15. IP-адрас дадатковага DNS-сервера:

     

 

 

Дадатак 4
да Інструкцыі аб парадку
рэгістрацыі даменных імёнаў
у прасторы іерархічных
імёнаў нацыянальнага сегмента
сеткі Інтэрнэт

 

ПАТРАБАВАННІ
ДА НАЦЫЯНАЛЬНАЙ IНФАРМАЦЫЙНА-ДАВЕДАЧНАЙ СІСТЭМЫ АБ ДАМЕННЫХ ІМЁНАХ У НАЦЫЯНАЛЬНАЙ ДАМЕННАЙ ЗОНЕ

1. Нацыянальная інфармацыйна-даведачная сістэма аб даменных імёнах у нацыянальнай даменнай зоне (сэрвіс WHOIS) (далей - сістэма) павінна змяшчаць наступныя звесткі:

   1. пры рэгістрацыі даменнага імя фізічнай асобай:

      • прозвішча, уласнае імя, імя па бацьку;
      • краіна (двухлiтаравы код паводле ISO 3166-1 alpha-2);
      • месца жыхарства;
      • кантактны тэлефон;
      • адрас электроннай пошты;

   2. пры рэгістрацыі даменнага імя юрыдычнай асобай:

      • назва арганізацыі;
      • краіна (двухлiтаравы код паводле ISO 3166-1 alpha-2);
      • месцазнаходжанне;
      • кантактны тэлефон;
      • адрас электроннай пошты.

2. Звесткі пра адміністратара дамена ўносяцца ў сервіс WHOIS у кадзіроўцы UTF-8 ў адпаведнасці са звесткамі, якія ўнесены заяўнікам ў дагавор, на мове, якую выкарыстаў заяўнік, калі запаўняў звесткі ў дагаворы.

3. Адміністратар дамена, які з'яўляецца фізічнай асобай, мае права адмовіцца ад размяшчэння ў сістэме сваіх персанальных дадзеных.