Байнэту 21 год: свежая статыстыка

Імя: дамен .BY
Узрост: 21 год
Вага: 120 000 рэгістрацый
Рост: самы хуткі ў Еўропе

5 мая 1994 года з'явілася нацыянальная даменная зона Беларусі .BY. Да свайго дваццаць першага дня нараджэння беларускі дамен падышоў "на піку формы", а менавіта:

• тэмпы росту .BY – самыя высокія ў Еўропе ўжо на працягу двух гадоў запар;
• тэхнічная база прыведзена ў поўную адпаведнасць з міжнароднымі стандартамі (уключаючы сэрвіс Whois, падтрымку DNSSEC і IPv6);
• колькасць рэгістрацый шчыльна падышло да адзнакі ў 120 000. Пры гэтым больш за палову ўсіх даменаў было зарэгістравана за апошнія 3 гады.

Яшчэ адзін рэкорд .BY апошніх трох гадоў – сабраная з дапамогай дабрачынных аўкцыёнаў даменаў сума, накіраваная ў беларускія дзіцячыя дамы. У пачатку 2015 яна перавысіла 2 мільярды рублёў.

Беларусь таксама ўваходзіць у тройку еўрапейскіх краін з самай высокай доляй нацыянальных даменаў. 80% беларусаў пры выбары імя для сайта спыняюцца на .BY.

Больш за 60% даменаў .BY вядуць на сайты, якія рэальна працуюць. Сярод CMS (сістэм кіравання кантэнтам сайтаў) з вялікім адрывам лідзіруюць Joomla і WordPress. Самай паспяховай камерцыйнай CMS на беларускім рынку з'яўляецца 1C-Bitrix.

Байнэт паказвае вельмі стабільны рост. Гэта з'яўляецца адной з прычын нараджэння другога беларускага дамена – кірылічнага .БЕЛ. Цяпер у ўладальнікаў сайтаў з'явіцца дадатковая магчымасць для прасоўвання бізнесу. Бо новы дамен прынясе тысячы новых прыгожых імёнаў, прычым зразумелых і якія не патрабуюць транслітарацыі. Ламаць галаву над тым, як жа ўвесці дамен (напрыклад, з «эс як даляр» або «эс як руская») больш не прыйдзецца. Дарэчы, застаўся ўсяго месяц да заканчэння прыёму заявак на прыярытэтную рэгістрацыю даменаў .БЕЛ для ўладальнікаў таварных знакаў і фірменных найменняў.

– тэхнічны адміністратар даменных зон .BY и .БЕЛ.