Распачаўся адкрыты продаж даменаў .БЕЛ

Для гэтага дастаткова выбраць дамен на сайце акрэдытаванага рэгістратара і аплаціць паслугу па яго рэгістрацыі зручным спосабам. Кошт рэгістрацыі дамена .БЕЛ на адзін год адзіны ва ўсіх рэгістратараў і роўны гадавому кошту дамена .BY – 150 000 руб. Дамен можна зарэгістраваць на адзін ці на два гады.

Мы рады нарэшце анансаваць адкрытую рэгістрацыю даменаў .БЕЛ. Папярэднія этапы рэгістрацыі прайшлі без сур'ёзных канфліктаў і юрыдычных калізій, а іх вынікі даюць нам усе падставы меркаваць, што новая даменная зона падорыць нам яшчэ шмат цікавых адкрыццяў. У .БЕЛ ужо ёсць вартыя ўвагі праекты – і, я ўпэўнены, што цяпер, калі ўсе неабходныя фармальнасці выкананыя, яшчэ больш карыстальнікаў скарыстацца перавагамі даменаў на кірыліцы.

– тэхнічны адміністратар даменных зон .BY і .БЕЛ

Дамен першага ўзроўню з падтрымкай алфавітаў рускай і беларускай моў – .БЕЛ – быў дэлегаваны нашай краіне міжнароднай арганізацыяй ICANN 26 жніўня 2014. У лютым 2015 у новай даменнай зоны з'явіўся адміністратар (Аператыўна-аналітычны цэнтр пры Прэзідэнце Рэспублікі Беларусь) і тэхнічны адміністратар (УП «Надзейныя праграмы»), а праз усяго пяць дзён пасля гэтага даменная зона .БЕЛ была тэхнічна гатова да рэгістрацыі даменаў.

Адкрытай продажы даменаў у зоне .БЕЛ папярэднічалі два этапы прыярытэтнай рэгістрацыі. Першымі права зарэгістраваць кірылічныя дамены атрымалі дзяржаўныя органы і арганізацыі, а таксама ўладальнікі таварных знакаў, геаграфічных указанняў і фірменных найменняў юрыдычных асоб, падобных з абранымі да рэгістрацыі даменамі. На працягу трох месяцаў з 1 сакавіка па 1 чэрвеня яны падавалі свае заяўкі, якія разглядала спецыяльная камісія. Пасля адабрэння заяўкі даменнае імя можна было зарэгістраваць. Усяго на першым этапе было атрымана больш 7 900 заявак ад дзяржорганаў і арганізацыі і больш за 1 200 – ад праваўладальнікаў.

На другім этапе, які праходзіў з 2 чэрвеня па 30 верасня, набыць дамен .БЕЛ можна было на адным з дабрачынных аўкцыёнаў. Арганізатары выставілі на таргі дамены з так званага прэміум-спісу, а таксама дамены, заяўленыя да таргоў карыстальнікамі, якія не хацелі чакаць старту адкрытай рэгістрацыі. Рэкардсменамі гэтага этапу сталі даменныя імёны авто.бел і реклама.бел: першае абышлося свайму ўладальніку ў 315 050 000 руб., другое – у 233 100 000 руб.

З 00:01 1 кастрычніка 2015 зарэгістраваць любы свабодны кірылічны дамен можна, проста аплаціўшы стандартны кошт паслуг рэгістрацыі.

У дзень запуску адкрытай рэгістрацыі даменаў .БЕЛ тэхнічны адміністратар даменных зон .BY і .БЕЛ УП «Надзейныя праграмы» арганізаваў прэс-канферэнцыю, прысвечаную новай даменнай зоне і таму, які ўплыў яна аказвае на нацыянальны сегмент інтэрнэту. У прэс-канферэнцыі мелі ўдзел віцэ-прэзідэнт па сувязях з Расіяй, краінамі СНД і Усходняй Еўропы міжнароднай карпарацыі ICANN Міхаіл Якушаў, член Каардынацыйнага савету Украінскага сеткавага інфармацыйнага цэнтру (UANIC) Юрый Каргаполаў, а таксама Сяргей Павалішаў (УП «Надзейныя праграмы», начальнік аддзела хостынгу і рэгістрацыі даменаў) і прадстаўнікі ўрадавых і дзелавых колаў, якія ўжо маюць адпаведны вопыт выкарыстання новых даменаў: Сяргей Альшэўскі (Галоўны інфармацыйна-аналітычны цэнтр Міністэрства адукацыі Рэспублікі Беларусь, намеснік дырэктара па навуковай рабоце) і Аляксандр Вавуло (Гандлёвая сетка «Тэхнаплюс», дырэктар). Выступоўцы прадставілі розныя пазіцыі, але ўсе яны пагадзіліся, што, нягледзячы на пэўныя цяжкасці, .БЕЛ – гэта, безумоўна, важны крок для Беларусі, які прапаноўвае карыстальнікам новыя, запатрабаваныя імі, магчымасці.