Парадак пераходу правоў на адміністраванне даменных імёнаў ад індывідуальнага прадпрымальніка да створанай ім камерцыйнай арганізацыі

З 1 кастрычніка ўступае ў сілу Загад Аператыўна-аналітычнага цэнтра пры Прэзідэнце Рэспублікі Беларусь «Аб парадку пераходу правоў індывідуальнага прадпрымальніка на адміністраванне даменнага імя, зарэгістраванага ў Нацыянальнай даменнай зоне, да створанай ім камерцыйнай арганізацыі».

Гэтым загадам замацаваны парадак афармлення пераходу правоў на адміністраванне даменных імёнаў ад індывідуальнага прадпрымальніка да створанай ім камерцыйнай арганізацыі.

Для ажыццяўлення гэтага пераходу неабходна падаць рэгістратару заяву аб пераходзе правоў ад імя створанай ім камерцыйнай арганізацыі.

Заява аб пераходзе правоў падаецца камерцыйнай арганізацыяй на працягу года з дня яе дзяржаўнай рэгістрацыі, але ў межах тэрміна дзеяння рэгістрацыі даменнага імя.

Непрадстаўленне рэгістратару на дату заканчэння тэрміну дзеяння рэгістрацыі даменнага імя, уладальнікам якога ў базе даных указаны індывідуальны прадпрымальнік (у тым ліку ў выпадку, калі такая дата наступіць раней за дату заканчэння аднаго года з дня дзяржаўнай рэгістрацыі камерцыйнай арганізацыі), дакументаў і звестак, неабходных для афармлення пераходу правоў на адміністраванне даменнага імя да камерцыйнай арганізацыі, з'яўляецца падставай для анулявання рэгістратарам запісу аб рэгістрацыі гэтага даменнага імя ў сувязі са сканчэннем тэрміну дзеяння рэгістрацыі.

Азнаёміцца з поўным тэкстам Загада Аператыўна-аналітычнага цэнтра пры Прэзідэнце Рэспублікі Беларусь «Аб парадку пераходу правоў індывідуальнага прадпрымальніка на адміністраванне даменнага імя, зарэгістраванага ў Нацыянальнай даменнай зоне, да створанай ім камерцыйнай арганізацыі» можна па спасылцы.