Яркія дамены, дабрачынныя аўкцыёны, новыя падыходы. Чым запомніўся юбілейны год Байнэту?

Тры дзесяцігоддзі таму беларусы атрымалі доступ да сусветнага павуціння, тады ніхто не мог прадказаць, наколькі глыбока ён пракрадзецца ў паўсядзённае жыццё кожнага з нас. Сацыяльныя сеткі, электронная камерцыя, воблачныя сэрвісы, патокавае відэа і іншыя прадукты інтэрнэту змянілі наш лад жыцця. Залогам паспяховасці бізнесу і іншай дзейнасці зараз шмат у чым з'яўляецца яго прадстаўленасць у інтэрнэце. За ўсімі гэтымі інтэрнэт-дасягненнямі ў Беларусі непрыкметна для ўсіх стаіць багатая і ўнікальная гісторыя беларускага інтэрнэту - Байнэту, якому ў 2024 годзе споўнілася 30 гадоў. На фоне гэтых разважанняў, давайце пагрузімся ў статыстыку і даныя, якія ілюструюць, якім быў юбілейны год для Байнэту.

Статыстыка

Некалькі гадоў таму зоны .BY і .БЕЛ выйшлі на плато насычэння, і таму ў апошні час колькасць даменаў, зарэгістраваных у базе даных прыкладна роўна колькасці, выключаных з яе. Так, за 2024 год у нацыянальнай даменнай зоне зарэгістравана 24 218 новых даменаў другога ўзроўню, у тым ліку ў даменнай зоне .BY - 22 343 дамена, у даменнай зоне .БЕЛ - 1 875 даменаў. Выключаны з базы даных 25 344 дамены другога ўзроўню, у тым ліку ў даменнай зоне .BY - 21 636 даменаў, у даменнай зоне .БЕЛ - 3 708 даменаў.

Традыцыйна сярод абласных цэнтраў па колькасці зарэгістраваных даменаў з вялізным адрывам лідзіруе Мінск і Мінская вобласць.

У 2024 годзе суадносіны па абласцях размеркаваліся наступным чынам:

Самымі актыўнымі месяцамі па рэгістрацыі даменных імёнаў у 2024 годзе сталі:

• кастрычнік (2240 у зоне .BY и 183 у зоне .БЕЛ),
• студзень (1977 у зоне .BY и 187 у зоне .БЕЛ),
• лістапад (1958 у зоне .BY и 191 у зоне .БЕЛ).

Сярод тых, хто рэгіструе дамены ў Байнэце, прысутнічаюць і нерэзідэнты Рэспублікі Беларусь. Так, на канец 2024 года на нерэзідэнтаў зарэгістравана больш за 12 000 даменных імёнаў, прадстаўнікамі больш за 100 краін.

У пяцёрку краін уладальнікаў-нерэзідэнтаў даменных імёнаў у зонах .BY і .БЕЛ уваходзяць:

Навацыі

• Мінулы 2024 прынёс некалькі ключавых новаўвядзенняў, дзякуючы якім Байнэт стаў яшчэ бяспечней і камфортней для карыстальнікаў.
• Для забеспячэння кібербяспекі рэгістратарамі ўведзена абавязковая шматфактарная ідэнтыфікацыя ўладальнікаў даменаў для выканання аперацый з даменнымі запісамі.
• Уведзены парадак атрымання ў спадчыну даменаў на падставе адпаведных натарыяльных дзеянняў.
• Для індывідуальных прадпрымальнікаў забяспечана магчымасць спрошчанай перадачы правоў на адміністраванне даменнага імя, зарэгістраванага ў нацыянальнай даменнай зоне да створанай ім камерцыйнай арганізацыі.

Аўкцыёны

За перыяд з 1 студзеня па 31 снежня 2024 года прайшло 13 этапаў дабрачыннага аўкцыёну. Па іх выніках было зарэгістравана 655 даменных імёнаў. З іх: 627 даменаў у зоне .BY, 28 даменных імёнаў у зоне .БЕЛ.

Дабрачынны аўкцыён даменных імёнаў - гэта продаж даменаў, якія сталі свабодныя (выключаныя з рэестра нацыянальнай даменнай зоны) з-за нейкіх прычын, з мэтай аднаўлення іх функцыянавання, а таксама для аказання матэрыяльнай дапамогі дзіцячым дамам Беларусі.

За 2024 год па выніках аўкцыёнаў на дабрачынныя рахункі ўстаноў, якія забяспечваюць умовы для пражывання і ўтрымання дзяцей-сірот, дзяцей, якія засталіся без апекі бацькоў, дзяцей-інвалідаў, дзяцей з асаблівасцямі псіхафізічнага развіцця ў якасці ахвяраванняў было пералічана 137 760 бел. руб. 77 кап.